ယနေ့ခေတ် လူတော်တော်များများသည် အင်္ဂလိပ်စံတော်ချိန်ုကိုသာ သိကြတော့သည်။ မြန်မာ အချိန်(၀ါ)နာရီ မည်သို့မည်ပုံ သတ်မှတ်သည် ကို ကြားဖူးနားဝပင် ရှိချင်မှ ရှိလိမ့်မည်။ ကျနော်လဲ မကြားဘူးပေ ဒါပေမယ့် သိချင်စိတ် ပျင်းပြလွန်းသဖြင့် စာအုပ်စာတန်းများကို ရှာဖွေဖတ်ရှု လေ့လာရာမှ ရှေးမြန်မာများ အချိန် သတ်မှတ်ပုံကို Knowledge Sharing အနေဖြင့် ပြန်လည် ဖောက်သည်ချလိုက်ရပေသည်။
``စံတော်ချိန်(၀ါ)နာရီ ဟူသည် အချိန်ကာလကို သတ်မှတ် ပိုင်းခြား၍ ဆိုသော သင်္ကေတ ပညတ်စကား ဖြစ်လေသည်။ နေ့ ၁၂ နာရီ၊ ည ၁၂ နာရီ နှစ်ရပ်ပေါင်း ၂၄ နာရီ ကို တစ်ရက်ဟု ယနေ့ခေါ်၏။ ရှေးမြန်မာ တို့ကမူ တစ်ရက်ကို မြန်မာစံတော်ချိန် နာရီပေါင်း ၆၀ ထား၍ သတ်မှတ် သုံးစွဲ လာခဲ့ကြသည်။
ယနေ့ တစ်ရက် အဖို့ နေ့ ၁၂ နာရီ၊ ည ၁၂ နာရီ အတူအမျှ ထားသော်လည်း မြန်မာစံတော်ချိန်၌ ထိုကဲ့သို့ အညီအမျှ ၁၂ နာရီစီ မထားပဲ နေ့တာ အတိုအရှည် ကိုလိုက်၍ နာရီဖွဲ့၍ ထားကြကုန်၏။
ထို့ကြောင့် တစ်ရက်ကို နေ့ ၃၀ နာရီ၊ ည ၃၀ နာရီ ညီမျှသော လလည်း ရှိသည်။ မညီမျှသော လလည်း ရှိသည်။ နေ့နာရီက ညဥ့်နာရီထက် ပိုသော လလည်း ရှိသည်။ ညဥ့်နာရီက နေ့နာရီထက် ပိုသေ လလည်း ရျိသည်။
အောက်ပါ သံပေါက်ကဗျာသည် ရှေးမြန်မာတို့ အသုံးပြုခဲ့ကြသော စံတော်ချိန်ကို တွက်ချက် ပြထားသည့် စံတော်ချိန် ကဗျာဖြစ်လေသည်။
``ပတ်သာတံရှည်၊ တီးသံမြည်၊ လက်ဆည်ကန်စာရေး။
တစ်ဆယ်လောင်းမည်၊ ထမ်းပိုးရည်၊ ယင်းသည် နာရီမေး။
ဆဲ့နှစ်လသည်၊ နေ့ဖို့ရည်၊ ညဥ့်သည် အကြွင်းဆေး။´´
ပထမ အပိုဒ်၌ အက္ခရာ ၁၂ လုံးပါသည်။ ယင်း ၁၂ လုံးအနက် တစ်လလျှင် တစ်လုံးကျ တန်ခူးလက စ၍ မြန်မာ ၁၂လကိုလည်း ပြသည်။ တစ်လုံးစီသော အက္ခရာဖြင့် နံသင့် ဂဏန်းကိုလည်း ပြသည်။ ဆိုသော် ``ပတ်´´ ဟူသော စကားလုံးအရ လအားဖြင့် တန်ခူး၊ နံသင့် ဂဏန်းအားဖြင့် ``၅´´ ဟု ဆိုလိုသည်။ ကျရောက်ရာ စာလုံးကို မှတ်၍ လကို ရေတွက်ပုံ ထိုလ၌ နံသင့်ဂဏန်း မည်ရွေ့မည်မျှ ကောက်ယူပုံတို့ကို အောက်ပါ အတိုင်း သိရသည်။
၁။ ပတ်=ကြာသပတေးနံ ၊ ၅ ဂဏန်း (တန်ခူးလ)
၂။ သာ = သောကြာနံ၊ ၆ ဂဏန်း (ကဆုန်လ)
၃။ တံ = စနေနံ၊ ၇ ဂဏန်း (နယုန်လ)
၎။ ရှည် = ရာဟုနံ၊ ၈ ဂဏန်း (၀ါဆို)
၅။ တီး = စနေနံ၊ ၇ ဂဏန်း (၀ါခေါင်)
၆။ သံ = သောကြာနံ၊ ၆ ဂဏန်း (တော်သလင်း)
၇။ မြည် = ကြာသပတေးနံ ၅ ဂဏန်း (သီတင်းကျွတ်)
၈။ လက် = ဗုဒဟူးနံ၊ ၄ ဂဏန်း (တန်ဆောင်မုန်း)
၉။ ဆည် = အင်္ဂါနံ၊ ၃ ဂဏန်း (နတ်တော်)
၁၀။ ကန် = တနင်္လာနံ၊ ၂ ဂဏန်း (ပြာသို)
၁၁။ စာ = အင်္ဂါနံ ၃ ဂဏန်း (တပို့တွဲ)
၁၂။ ရေး = ဗုဒဟူးနံ၊ ၄ ဂဏန်း (တပေါင်း)
အထက်ပါ ဇယားအရ မည်သည့်လ၌ သင်္ချာဂဏန်း မည်မျှရှိကြောင်း သိရပြီးနောက် ဒုတိယအပိုဒ်က ``တစ်ဆယ်လောင်း´´ ဟု ညွှန်းသည့်အတိုင်း တစ်လ တစ်လ တစ်ဆယ်စီ တိုးတိုးပြီး ပေါင်းရသည်။ ဥပမာ - တန်ခူးလ၌ ရရှိသော နံသင့်ဂဏန် ၅ တွင် ၁၀ ပေါင်းသော် ၁၅ ဖြစ်လာသည်။
ဤသို့လည်း ၁၀ တိုးတိုး သွားပြီးနောက် ``ထမ်းပိုးရည်´´ ဟု ဆိုသော ကြောင့် တန်ခူးလ ၁၅ ကို တစ်ဆ တိုးလိုက်သော အခါ ၃၀ ဖြစ်လာသည်။ ဤ ၃၀ သည် တန်ခူးလ၏ နေ့ စံတော်ချိန် နာရီပေါင်း ဖြစ်သည်။ ညဥ့်သည် ``အကြွင်းဆေး´´ ဆိုသော စကားအရ နေ့စံတော်ချိန် နေ့နာရီပေါင်းမှ ကြွင်းသမျှသည် ည နာရီ ဖြစ်သည်။ ထို့ကြောင့် တန်ခူးလ၌ စံတော်ချိန်မှာ နေ့ ၃၀၊ ည ၃၀ ရှိကြောင်း သိရလေသည်။
တစ်ရက်ကို စံတော်ချိန် နာရီပေါင်း ၆၀ သတ်မှတ်ထားသည်တွင် နေ့တာ တိုရှည် လိုက်၍ နေ့၊ ည နာရီများ ခြားနား သွားပုံကို အောက်ပါ ဇယားဖြင့် သိရှိနိုင်သည်။
လ နေ့နာရီ ညနာရီ တစ်ရက်နာရီပေါင်း
တန်ခူး ၃၀ ၃၀ ၆၀
ကဆုန် ၃၂ ၂၈ ။
နယုန် ၃၄ ၂၆ ။
ဝါဆို ၃၆ ၂၄ ။
ဝါခေါင် ၃၄ ၂၆ ။
တော်သလင်း ၃၂ ၂၈ ။
သီတင်းကျွတ် ၃၀ ၃၀ ။
တန်ဆောင်မုန်း ၂၈ ၃၂ ။
နတ်တော် ၂၆ ၃၄ ။
ပြာသို ၂၄ ၃၆ ။
တပို့တွဲ ၂၆ ၃၄ ။
တပေါင်း ၂၈ ၃၂ ။
အထက်ပါ စာရင်းကို ကြည့်လျှင် ၁၂ ရှိသည့် အနက် ၀ါဆို လသည် နေ့ ၃၆ နာရီ၊ ည ၂၄ နာရီသာ ရှိသောကြောင့် နေ့တာ အားဖြင့် အရှည်ဆုံးသောလ ညတာအားဖြင့် အတိုဆုံးသေ လဖြစ်သည်။ ပြာသိုလမှာမူ ည ၃၆ နာရီ၊ နေ့ ၂၄ နာရီသာ ရှိသောကြောင့် ညတာ အားဖြင့် အရှည်ဆုံးသောလ၊ နေ့တာအားဖြင့် အတိုဆုံး သော လဖြစ်သောကြောင့် ``နေ့ ၀ါဆို၊ ည ပြာသို´´ ဟု ဆိုစမှတ် ပြုကြလေသည်။´´
(ကျမ်းကိုး ။ ဒဂုန်ဦးစန်းငွေ၏ ကဗျာက ပေးသော ဗဟုသုတများ)
1 comment:
အခုလိုဝေမျှတာ ကျေးဇူးတင်ပါတယ်
Post a Comment