“ရောက်တတ်ရာရာရဲ့ကဗျာ”

စိတ်ပျက်တယ်...
လောကကြီးကို
ဒါပေမယ့် ငါ လက်မမြှောက်ဘူး
ဒူးမထောက်ဘူး၊ အရှုံးမပေးဘူး...။

စိတ်ပျက်တယ်
တာဝန်မယူတတ်တဲ့လူတွေကို
ကိုယ်ရေးတဲ့စာ၊ ကိုယ်ပြောတဲ့စကား
ဘယ်လိုဆိုတာ သိကြရဲ့လား
ပါးစပ်ကတော့ ဘုရား...ဘုရား
လက်ကတော့ ကားယား...ကားယား....
သူတို့နဲ့ အမြင်မတူလို့ ငါ ၀မ်းမနည်းဘူး...။

စိတ်ပျက်တယ်...
လောကပါလ နတ်မင်းကြီးတွေကို
ဘာသာ၊ သာသနာအတွက်
သူတို့ ဘယ်ရောက်နေကြသလဲ...။

စိတ်ပျက်တယ်...
လက်နက်ရှိတိုင်း အနိုင်ကျင့်နေတဲ့လူတွေကို
အားကိုးရှိတိုင်းသာ အမှန်ဆိုရင်တော့
ဓါးမတို တစ်ချောင်းရှိတဲ့လူဟာလည်း
အာဏာရှင်တစ်ယောက် ဖြစ်နိုင်တာဘဲ...။

စိတ်ပျက်တယ်...
အမှန်နဲ့အမှားခွဲခြားမသိနိုင်သေးတဲ့ လူတွေကို
ဘယ်သူမှန်တယ်
ဘယ်သူမှားတယ်ဆိုတာကို
ဘယ်စာတွေဖတ်
ဘယ်ပေတံတွေနဲ့ တိုင်းတာနေကြတာလဲ
ငြိမ်းချမ်းခြင်းတရားတွေကို ဘယ်လိုဖွေရှာကြမလဲ...။

ဒါပေမယ့်လေ...
ငါလုပ်နိုင်တာ ဘာလဲ
ငါလုပ်နေတာဘာလဲဆိုတာ
ငါကိုယ်တိုင်လဲ မသိသေးတော့
ငါကိုယ့်ငါလည်း စိတ်ပျက်တယ်...။